Есдүгээр сард 101.001 хүн коронавирусийн халдвар авсан байна

access_time 2021-10-08 11:21

Нийслэлийн хэмжээнд 6443 хүн коронавирусийн халдварын улмаас эмнэлэгт хэвтэн эмчлүүлж байна. Есдүгээр сард 101.001 хүн коронавирусийн халдвар авсан байна. PCR, түргэвчилсэн шинжилгээгээр батлагдсан болон шинж тэмдэг илэрсэн иргэдэд бид эмнэлэг, тусгаарлах байр, өрхийн эрүүл мэндийн төв, гэрээр эмнэлгийн тусламж үйлчилгээг үзүүлэн ажиллаж байна. Өнөөдрийн байдлаарх халдварын тархалт зургаадугаар сарын давлагаанаас 2.5 дахин нэмэгдсэн. Бид халдварын тархалтыг долоо хоног бүрээр хянадаг. 34 дэх долоо хоног буюу наймдугаар сарын 23-29-ний хооронд халдварын тархалт аажмаар нэмэгдсэн. 37, 38 дахь долоо хоног буюу есдүгээр сарын 20-26-ны хооронд өдөрт дунджаар 3983 тохиолдол бүртгэгдэж байсан бол өнгөрсөн долоо хоногт 3565 болж өөрчлөгдсөн. Гэрээр эмчлүүлж байгаа иргэд 38 дахь долоо хоногт 36.206, 39 дэх долоо хоногт 32.731 байсан бол өнөөдрийн байдлаар 29.479 хүн өрхийн эрүүл мэндийн төвийн хяналтад байна. Эмнэлэгт хэвтэн эмчлүүлж байгаа нэн хүнд 286, хүнд оноштой 1459 хүн байна.

Шинэ мэдээ