Коронавирусийн эсрэг хариу арга хэмжээний багт сайн дурын жолооч ажиллуулж эхэлсэн. Нийт 1300 орчим жолоочоос хүсэлт ирсэн. Эдгээрээс гуч гаруй жолоочтой гэрээ хийж ажилд нь оруулсан. Эхний ээлжид дүүрэг болон өрхийн эрүүл мэндийн төвүүдээс нэмэлт жолооч шаардлагатай эсэх талаарх мэдээллийг авч, халдварын тохиолдол хамгийн их хороодод сайн дурын жолооч нараа ажиллуулж байна.  Нэг өдрийн 50 мянган төгрөгийн цалинтай. Үүнээс хүн амын орлогын албан татвараа хасаад жолооч нар 45 мянган төгрөг авна. Дээр нь 20 мянган төгрөгийн шатахууны эрхтэй. Хэрэв 20 мянган төгрөгөөс илүү шатахуун зарцуулах бол тухайн өрхийн эрүүл мэндийн төв хариуцах зохицуулалт хийсэн. Гэрээ байгуулсан жолооч нарт энэ ажлын байр халдварын эрсдэлтэй гэдгийг маш сайн тайлбарлан хэлж, харилцан зөвшилцсөний үндсэн дээр ажиллуулж байгаа юм.