Дэлхийн стандартад нийцсэн спортын иж бүрэн цогцолбор “Мөсөн өргөө” ашиглалтад орлоо.Энэхүү цогцолбор ордонд хоккей, уран гулгалт, шорт трейкийн тэмцээн уралдаанаас гадна сагсан бөмбөг, гар бөмбөг, уран сайхны гимнастик, бокс зэрэг багийн болон ганцаарчилсан спортын төрлүүд, соёл, урлагийн тоглолт, экспо, хурал зэрэг олон нийтийг хамарсан арга хэмжээ зохион байгуулах боломжтой. Ордон  2,600 хүний суудалтай бөгөөд урлаг, уран сайхны тоглолтод зориулсан дуу авиа, гэрэлтүүлгийн иж бүрэн төхөөрөмжөөр тоноглогдсон юм.