Монгол Улсын үндэсний агаарын тээвэрлэгч МИАТ компани цар тахлын улмаас үйл ажиллагаа нь доголдож 35 тэрбум төгрөгийн алдагдал хүлээж, төлөгдөөгүй өр нь 50 үзэж тэрбум төгрөг болсноор оны эцэс гэхэд дампуурахад хүрсэн байна. Зам тээвэр хөгжлийн яамнаас Засгийн газарт дэмжлэг үзүүлэх санал оруулах гэж байгаа бөгөөд хувьчлах хувилбар ч яригдаж байгаа аж. Цар тахлын улмаас нислэг зогссоноор дээрх өр төлбөр үүссэн. Жилдээ 2500 нислэг үйлддэг тус компани энэ жилд гэхэд 260 гаруй нислэг үйлдсэн. Засвар үйлчилгээ, сургалтын албаа нэмбэл  нийт 1000 гаруй ажилтан албан хаагчидтай тус компани цаасан дээр аль хэдийн дампуурсан. Ажилтан албан хаагчид нь үндэсний ганц компаниа арай дампууруулахгүй байлгүй дээ гэж горьдлого тээн харж байгаа аж. Улсын төсвөөс нэг ч төгрөгийн татаас авдаггүй орлогоороо зарлагаа 100% нөхөж ажилладаг жилдээ 30 тэрбум төгрөг улсад төлдөг байсан.  Ковидын үед иргэдээ гадаад орнуудаас татан авчрах тусгай үүргийн нислэгийг хийж, эм, эмнэлгийн хэрэгсэл, тоног төхөөрөмж, вакцин тээвэрлэхэд ажиллан,  карго ачааны нислэгүүдийг төлбөрийг нь дараа хүлээн авах нөхцөлтэйгээр хийж байсан ч тус компани ийнхүү санхүүгийн хүндрэлээс болж зогсоход хүрчээ. Төрийн өмчийн бодлого зохицуулалтын газраас Засгийн газраас дэмжлэг үзүүлэх нь зүйтэй гэж үзэж байгаа аж .