Төрийн ордонд төр хувийн хэвшлийн хамтын ажиллагааны зөвлөлдөх уулзалт болж байна. Уулзалтын үеэр хувийн хэвшлийн салбарынхан  төр, хувийн хэвшлийн хамтын ажиллагаа ус, агаар мэт хэрэгтэй байна. Засгийн газар, УИХ-ын гишүүдийн алсын хараа, манлайллаас ажил урагшлах эсэх нь шууд хамарна. Мнголчууд бид мэргэжлийн амбиц гарган, хүнд суртал үзүүлж, нутаг усны талцалд хуваагдах нь хөгжлийн хамгийн том чөдөр, тушаа болж байна. Богино хугацааны нэр төр хөөцөлдөн шийдвэр гаргаад, шийдвэрээ буцаах замаар ажиллаж байна. Эдийн засгийн хамгийн хүнд ачааг хувийн хэвшил үүрч ирсэн. Худалдааны яамыг байгуулж, аймгуудын Засаг дарга нар орон нутгийн төсвийнхөө 50 хувийг өөрсдөө бүрдүүлэх хэрэгтэй. “Оюутолгой”, “Гачуурт”, “Цагаан суварга”-ын төсөл хэрэгжиж л зэс, алтны борлуулалт өснө. Мөн Зүүн баяны төмөр зам ашиглалтад орвол төмрийн хүдрийн борлуулалт нэмэгдэнэ зэрэг олон санал хэлсэн. Мөн цар тахлын нөхцөлд онцгой байдлаар дэмжлэг үзүүлэхийг хүсэж байгаагаа дуулгасан. Хувийн хэвшлийнхний саналуудыг төрийнхөн хэрхэн хүлээн авч ямар нь ажил хэрэг болохыг цаг хугацаа харуулах биз.