ХДХВ-ийн халдвартай хүмүүсийн нас баралтад хүргэх гол шалтгаан нь сүрьеэ өвчин байдаг гэнэ. Дэлхийн эрүүл мэндийн байгууллагын 2015 онд сүрьеэ, ХДХВ-ийн хавсарсан халдвартай 1.2 сая хүн амьдарч байгааг мэдээлсэн байдаг. ХДХВ-ийн халдвартай хүн сүрьеэгээр өвчлөх эрсдэл ХДХВ-ийн халдваргүй хүнтэй харьцуулахад 20-30 дахин өндөр байдаг аж.

Өнгөрсөн оны байдлаар Монгол Улсад ХДХВ-ийн халдвартай 220 тохиолдол бүртгэгдсэн ба сүрьеэ, ХДХВ-ийн хавсарсан халдвартай 52 тохиолдол бүртгэгдсэн. Эдгээрийн 46 нь эмэнд мэдрэг сүрьеэ, 6 нь эмэнд тэсвэртэй сүрьеэрээ өвчилсөн байна.

Түүнчлэн чихрийн шижин гэх мэт архаг эмгэгтэй дархлалын тогтолцоо султай хүмүүст сүрьеэ нь далд хэлбэрээс идэвхитэй хэлбэрт шилжих эрсдэл өндөр байдаг аж. Өөрөөр хэлбэл, чихрийн шижинтэй хүмүүсти сүрьеэгээр өвчлөх эрсдэл нь эрүүл хүмүүсийг бодвол 2-3 дахин өндөр байдаг. Иймээс уншигч та чихрийн шижинтэй бол сүрьеэгийн үзлэг шинжилгээнд хамрагдах шаардлагатай. Учир нь ийм өвчтэй хүмүүст сүрьеэ хожуу илэрдгийг эмч нар зөвлөж байна.