Нийслэлийн “Хүүхдээ сонсох өдөр”-ийг 5 дугаар сарын сүүлийн 7 хоногийн лхагва гарагт тэмдэглэж байхаар шийдвэрлэсэн. Энэ жил “Хүүхэд бидний аюулгүй орчин” сэдэвт хэлэлцүүлэг болно. Энэхүү арга хэмжээг угтан нийслэлийн 9 дүүрэгт хүүхдийн чуулган зохион байгуулсан. Чуулганаар дэвшүүлсэн саналуудыг шийдвэр гаргагчдад хүргэх, хүүхдүүд эвлэлдэн нэгдэж, үзэл бодлоо чөлөөтэй илэрхийлэх,зорилготой юм. Мөн “Хайрын гар” богино хэмжээний видео сурталчилгааны бүтээл шалгаруулах уралдаан зарлагдахаас гадна “Хариуцлагатай аав, ээж” буюу эцэг, эхийн үүрэг хариуцлагыг нэмэгдүүлэхэд анхаарч ажиллана.