“Оюутан цагдаа” арга хэмжээг зургаа дахь жилдээ 2019 оны зургадугаар сарын 3-ны өдрөөс эхэлнэ. Зөв боловсон харилцаатай, гадаад хэлний мэдлэгтэй их, дээд сургуулийн оюутнуудыг тавдугаар сарын 27-ны өдөр хүртэл Монголын Оюутны Холбооны 96909041, 80132349 дугаарт бүртгэж “Оюутан цагдаа” –гаар ажиллуулна. “Оюутан цагдаа” ажиллуулснаар гадаадын жуулчидтай холбоотой гэмт хэрэг, зөрчил 44.8 хувиар буурсан үзүүлэлт гарсан. Иргэд, жуулчдын санал гомдол, хүсэлтийг 70108687 дугаарт хүлээн авна.