“Байгаль Опен” олон улсын тэмцээн тавдугаар сарын 17-19-нд боллоо. Буриадын Ерөнхийлөгчийн цомын 24 дэх удаагийн тэмцээнд 13 орны 257 тамирчин эрэгтэйчүүдийн 10, эмэгтэйчүүдийн 6 жинд өрсөлдсөн. Манай улс энэ тэмцээнээс таван алт, долоон мөнгө, 11 хүрэл, нийт 23 медаль хүртлээ.
Эмэгтэйчүүдийн 50 кг-д ОУХМ Ц.Намуунцэцэг, 53 кг-д ОУХМ Э.Сумъяа, 62 кг-д Ө.Пүрэвсүрэн, 68 кг-д гавьяат тамирчин О.Насанбурмаа, 76 гавьяат О.Бурмаа алтан медаль авлаа.