Сүхбаатарын талбайн урд хэсгийн 2.5 га газар 13 жилийн турш хувийн компанийн эзэмшилд байсан. Газар эзэмших захирамжийг нийслэлээс хүчингүй болгосноор “UB constraction” компани газраа чөлөөлж өгснөөр НИТХ-ын 66 дугаар тогтоолын дагуу 30 минут нь 500, нэг цаг нь 1000 төгрөг гэсэн тарифаар тээврийн хэрэгслүүдийг төлбөртэй зогсоож эхэллээ. Өдөрт 150 автомашин бүртгүүлж орж байгаа бөгөөд амралтын өдрүүдэд иргэд, олон нийтэд үнэ төлбөргүй үйлчилнэ. Мэргэжлийн байгууллагуудын дунд энэ талбайд бүтээн байгуулалт хийх төслийн уралдааныг 14 хоногийн хугацаанд зарлаж, төсөл шалгарсны дараа ажил эхлэх юм.