Өнгөрсөн амралтын өдрүүдэд Гоодойн зусланд гал гарч 10 байшин шатсан бол дахин Чингэлтэй дүүргийн 19-р хороо Шадивлан зусланд 6 байшин шатсан байна. Өнжмөл шар өвс шатаасны улмаас түймэр гарлаа гэсэн дуудлага нийслэлийн Онцгой байдлын газарт 12:00 цагт ирсэн.
Дуудлагын дагуу Гал түймэр унтраах, аврах 74, 34, 10, 63 дугаар анги болон нийслэлийн Аврах анги 105-ын нийт 57 алба хаагч, 13 техник хэрэгсэлтэйгээр ажиллаж байна.
Түймрийн улмаас 6 айлын зуслангийн байшин шатаж байсан бөгөөд галын тархалтыг зогсоож, бүрэн унтраахаар ажиллаж байгаа. Нийслэлийн Онцгой байдлын газраас өнжмөл шар өвсийг шатаахгүй байхыг иргэдэд анхааруулж байна.