Төрийн ордоны гадаа залуус жагсан улс төрийн намын удирдлагуудад Засгийн газрыг огцруулах бичиг өргөн барьсан байна. Албан бичигт төсвийн орлого 2 их наядаар дутсан, ахмадуудын тэтгэвэр амьдралд хүрэлцэхгүй, иргэд эрүүл мэндийн үйлчилгээ авах боломжгүй болж татварын дарамтад орсныг онцолсон. Жагсагчид Монголд 24 саяар машин аваад 24 саяын татвар төлж байна. Иргэд ажилгүй орлогогүй, аж ахуйн нэгжүүд нь ээлж дараалан үүдээ барьж, залуус Монголд амьдрах боломжгүй болгож байна. Төрийнхөн ажлаа хийж чадахгүй, төсвийн мөнгийг нэмж идэж ууж суугаагаасаа ичих хэрэгтэй гэдгийг хэлжээ.