Төрөөс төсвийн хэмнэлт хийхийг үүрэг болгож байхад Монгол төмөр замаас 90 тендер зарлахдаа төсөв үргүй зарсныг илчилсэн баримтууд хэвлэлээр цацагдаж байна. МТЗ тавилга 105 сая, автомашин- 824 сая, мод тарихад 400 сая, компьютер авахад -495 сая, вэб сайт шинэчлэхэд 40 сая, бичиг хэргийн зардалд 98 сая, ухаалаг дэлгэц авахад -31 сая, гэрлэн хаяг авахад 37 сая төгрөг зарцуулсан нь илэрсэн. Шинээр дарга томилогдох бүрт удирдлагууд нь яагаад тавилга, машинаа яагаад сольж, төрийн мөнгөөр тоглож байгааг олон нийт асууж байгаа юм. Төсвийн хэмнэлт хийх гэж байгаа бол төрийн үргүй зардлыг эхлээд хэмнэх хэрэгтэйг сануулсаар байгаа ч хэрэгжилт нь тэг заасаар л байна.