АНЭУ-ын Дубай хотод насанд хүрэгчдийн боксын Дэлхийн аварга шалгаруулах тэмцээн эхэллээ. Тэмцээнд 100 гаруй улсын боксчид 13 жинд хурд, хүч, авхаалж чадвараа сорино. Манай улсаас Олон улсын боксын холбооны дасгалжуулагч Х.Хайнар удирдаж, гавьяат тамирчин Э.Цэндбаатар тэргүүтэй 6 боксчин оролцож байна. Жин тус бүрт түрүүлсэн боксчин 300, 150, 75 мянган ам.доллар шагнал хүртэнэ.