Төв цэвэрлэх байгууламжаас гарах бохирын үнэр өвөл зунгүй хамар сэтлэх шахаж байхад лагийг байгаль экологи, иргэдэд сөрөг нөлөөгүйгээр хатааж, шатаан эрчим хүч үйлдвэрлэх төсөл хэрэгжихээр болсон байна. “Лаг хатааж шатаах үйлдвэр” төслийн ТЭЗҮ-ийг боловсруулж дууссан байна. Тус үйлдвэрийг хотын төвөөс 12 км зайд төв цэвэрлэх байгууламжийн урд хэсэгт барьж, хоногт дунджаар 238 тонн лаг, нийт 843,200 м.куб хаягдмал нөөцтэй байхаар тооцоолжээ.