“Шилдэг хэсгийн төлөөлөгч-2018” уралдаан эхэллээ

access_time 2018-11-22 16:10

Хууль зүй, дотоод хэргийн сайдын нэрэмжит, цагдаагийн байгууллагын шилдэг хэсгийн төлөөлөгч шалгаруулах “Шилдэг хэсгийн төлөөлөгч-2018” уралдаан өчигдөр Улаанбаатар хотноо эхэллээ.Энэхүү уралдаанд нутаг дэвсгэр хариуцсан цагдаагийн газар, хэлтсээс нэг, хоёрдугаар шатны шалгуурыг амжилттай давж шалгарсан 17 хэсгийн төлөөлөгч оролцож мэргэжлийн ур чадвар, хууль, эрх зүйн мэдлэг, албаны галт зэвсэг хэрэглэх ур чадвар, ерөнхий мэдлэг, гадаад хэл, компьютерийн мэдлэг, бие бялдрын бэлтгэлжилт, тусгай хэрэгсэл мэх хэрэглэх ур чадвар, логик сэтгэлээ IQ чадвараараа өрсөлдөх юм. Мөн тээврийн хэрэгсэл жолоодох, мал зүслэх, шүдлэх, им тамга нэрлэх зэрэг хэсгийн төлөөлөгчийн мэдлэг, ур чадвар, авхаалж самбаа, тэсвэр хатуужил шалгасан 10 төрлөөр өрсөлдүүлж шилдэг хэсгийн төлөөлөгчийг шалгаруулна. Шилдэг хэсгийн төлөөлөгч шалгаруулах уралдаан өнгөрөгч онд анх удаа болсон бөгөөд Хууль зүй, дотоод хэргийн сайдын тушаалаар жил бүр уламжлал болгон зохион байгуулахаар шийдвэрлэжээ.

Шинэ мэдээ