Хэнтий аймгаас төрөн гарсан аваргуудын нэрэмжит, Үндэсний бөхийн өсвөр үеийн УАШБ-ы 16 насанд 107, 17 насанд 112, 18 насанд 93 бөх гурван өдөр уран мэх, авхаалж самбаа сорин барилдсанаас 2025 оны Үндэсний бөхийн улсын аваргууд тодорлоо. Уран гараа дэвээтэй бөхийн шагналыг Хэнтий аймгийн БТСГ с.з ГЛувсандорж хүртлээ
Өсвөр үеийн багийн дүнгээр МУГД, улсын начин Б.Адъяахүү дасгалжуулагчтай Эв Монгол клуб тэргүүлж аваргын алтан медаль, аймгийн арслан Б.Сүхбаатар дасгалжуулагчтай Дархан-Уул аймгийн БТСГ удаалж мөнгөн медаль, Б.Батзориг дасгалжуулагчтай Алдар спорт хороо гуравдугаар байрт шалгарч хүрэл медаль хүртсэн юм..
Залуучуудын ангилалд багийн дүнгээр чөлөөт бөхийн Спортын мастер Ц.Мандалсүрэн дасгалжуулагчтай Аваргууд академи, улсын начин Б.Адъяахүү дасгалжуулагчтай Эв Монгол клуб, аймгийн начин Б.Батзориг дасгалжуулагчтай Алдар спорт хороо тус тус шалгарч, алт, мөнгө, хүрэл медалийн эзэд боллоо.
Ирэх он буюу 2026 оны Өсвөр үе, Залуучуудын улсын аварга шалгаруулах барилдаан Архангай аймагт зохион байгуулагдана.