Монголын ахмадуудыг төлөөлж төрийн ордны гадаа ахмадууд 40 шахам хоног сууж, заримынх нь эрүүл мэнд муудсан. Ахмадууд одоогийн тэтгэврийн доод хэмжээ буюу 689 мянган төгрөгийг хоёр дахин нэмэгдүүлэх, халамжийн тэтгэврийн хэмжээг 495.4 мянган төгрөгт хүргэх, мөн тэтгэврийн зээлийн хугацааг 36 сар болгон сунгаж, хүүг 12 хувь болгон бууруулах шаардлага тавьж байгаа юм. Дээрх асуудлыг УИХ-ын Өргөдлийн байнгын хорооны хуралдаанаар УИХ-аас гарсан ажлын хэсгийн дүгнэлтийг хэлэлцээд тэтгэврийн зөрүүг арилгах, бага тэтгэвэртэй ахмадуудын тэтгэврийг нэмэх талаар ярилцсан. Төсөвт хэмнэлт хийж эхний ээлжинд 10% нэмэх боломжийг судлахаар болсон. Суултад оролцсон ахмадуудыг ална гэж дарамталсан байна. Энэ бол ардчилсан нийгэмд байж болшгүй үйлдэл гэдгийг энэ үеэр онцолжээ.