УИХ-ын дарга Д.Амарбаясгалан өөрийн хүсэлтээр ажлаа өгч хууль хяналтын байгууллагад шалгуулахаар болсон байна. Тэрбээр ажлаа өгөхийн өмнө намын даргад ялагдсан журмын нөхөд ялагдлаа хүлээн зөвшөөрөөгүйгээс төрийн ажил гацахад хүрээд байна. Миний нэр хүндийг унагахын төлөө гаднын сайтад асар өндөр үнээр төлбөртэй захиалгат мэдээлэл бичүүлж, бүх сувгаар үндэслэлгүй гүтгэлэг тарааж, миний нэр хүндийг унагах ажлууд хийгдэж байна. Төрийн албан тушаалтны нэр хүнд цэвэр байх ёстой. Тиймээс ажлаа өгч шалгуулаад цаашид хууль бус бүхэнтэй хийх тэмцлээ улам эрчимжүүлнэ гэсэн. Маргалдагч МАН-ын талын гишүүд биднийг тагнаж чагнаж араас дугааргүй машинаар мөрдөн мөшгин, дарамталж байна. Энэ бол ардчилал хөгжсөн оронд байж болшгүй үйлдэл гэдгийг онцолсон. Иргэдийн хувьд улс төрийн маргаан гэмт хэргийн шинжтэй болж, үндэсний аюулгүй байдалд нөлөөлөх эрсдэл, эдийн засаг, нийгмийн хүндрэлийг дагуулж байна. Ард иргэдийн амьдрал эдийн засаг нийгмийн асуудлыг эхний ээлжинд шийдэх ёстой гэдгийг шаардсаар байна.