Сурах бичгийн хүрэлцээ бага, үнэ өндөр байна гэсэн иргэдийн гомдол гарсан. Харин Боловсролын ерөнхий газраас сурах бичгийн зах зээлийн үнэ 94,000-129,000 төгрөгийн үнэтэй байна. Эцэг эхчүүд худалдаж авах бол үнийн дүнг 3-4 хувааж төлөх боломжтой. Харин багшаар дамжуулж 25 сурах бичгийг түрээсэлж хэрэглээд хичээлийн жил дуусахад хураалгахаар бол түрээсийн үнэ 38,000 төгрөг болно. Нэг сурах бичгийн нэгж үнэ 2600 төгрөг гэсэн тайлбар хийжээ. Багшаар дамжуулж захиалбал хот дотор 24-72 цагийн дотор сурагчдад хүрнэ. Хөдөө орон нутагт 7 хоногийн дотор хүргэх боломжтой.Ирэх 10 дугаар сарын 07 гэхэд сурах бичгээр сурагчдыг бүрэн хангана гэжээ.