Ерөнхий боловсролын төрийн өмчийн 120 сургууль, дэргэдэх 129 хоолны газарт НМХГ-аас шалгалт хийсэн байна. Шалгалтаар 35.7 хувь нь зориулалтын бус, өрөө тасалгааг өөрчлөн цайны газар болгосон, 6.6 хувь нь огт цайны газаргүй байсан. “Үдийн цай” хөтөлбөрийн хэрэгжилт 76.78 хувтай байгаа аж. Харин 54.6 хувь нь үдийн цайгаар авбал зохих илчлэгтэй хоол хүнсээр үйлчилж байжээ.
Эрүүл ахуй, хүнсний чанар, стандартын чиглэлд 847 зөрчил илрүүлсэн байна. Улмаар Зөрчлийн тухай хуулийн дагуу 14 хуулийн этгээдэд 9.4 сая төгрөгийн торгууль ногдуулжээ. Мөн “Шинэ эхлэл” сургуулийн цайны газрыг түрээслэгч “Банни” компанийн үйл ажиллагааг түр хугацаагаар зогсоожээ.
“Үдийн цай” хөтөлбөрийн дагуу нэг хүүхдэд 600 төгрөгийн хоол хүнс өгдөг. Энэ нь хүүхэд авах ёстой илчлэгийн хэмжээгээ авч чадахгүйд хүргэж байна гэдгийг НМХГ-аас дүгнэжээ.