Электрон тамхи иргэдийн эрүүл мэндэд хоргүй гэдэг сурталчилгаа бол худал мэдээлэл. Иргэд электрон тамхийг олон жил татсан тохиолдолд уушгины архаг үрэсэлтэй болж даамжирвал цус гарч, хорт хавдарт хүргэдэг эрсдэлтэй. Тиймээс ерөнхий боловсролын сургуулиас 500 м зайтай орчинд тамхи зарахыг хориглох хэрэгтэй. Энэ шийдвэрийг гаргаснаар 4000 орчим хүн тамхинаас гарна гэсэн тооцоолол гарсан гэдгийг эрүүл мэндийн байгууллагууд зөвлөжээ.