Олон улсын Мэдээлэл зүйн олимпиад Болив улсын нийслэл Сукре хотод зохион байгуулагдлаа. Тэмцээнд Дархан-Уул аймгийн Монгол-Оюу сургуулийн 12 дугаар ангийн сурагч Гантөмөрийн Амарсанаа,Нийслэлийн ерөнхий боловсролын Нэст Эдукэйшн сургуулийн 10 дугаар ангийн сурагч Ганзоригийн Эрхэм,Нийслэлийн ерөнхий боловсролын Эрхэт Эрдэм сургуулийн 12 дугаар ангийн сурагч Чинбатын Ирмүүн нар хүрэл медаль хүртлээ. Уг олимпиадад дэлхийн 87 орны 330 сурагч оролцож, программчлах ур чадвараар өрсөлдсөн юм.