“Өндөр гэгээний өв дүрслэх урлагт” үзэсгэлэн 7 дугаар сарын 28-ны өдөр хүртэл Г.Занабазарын нэрэмжит Дүрслэх урлагийн музей болон Өвөрхангай аймгийн Эрдэнэзуу музей хамтран зохион байгуулж байна. Музейн сан хөмрөгт хадгалагдаж буй 130 орчим үзмэрийг дэлгэжээ. Онцлог үзмэрүүдэд XVIII зууны үеийн “Өндөр гэгээн Занабазар голлосон соёмботой Жавзандамба хутагтуудын дүр” шүтээн зураг, 97х77 см хэмжээтэй “Өндөр гэгээн” зэс хөөмөл баримал мөн Монгол улсын хосгүй үнэт бүтээл “Занабазарын мутрын дардас”,“Хатан эх Ханджамцын хөрөг” зэрэг бүтээлүүд багтсан байна.