Шинэ Засгийн газрын хийх эхний ажил нь хөрөнгө оруулалтаас 535 тэрбум, урсгал зардлаас 1,8 тэрбум төгрөг хасахаар болсноо зарласан. Энэ ажлын хүрээнд Үндэсний хороод болон яамдын харьяа агентлагийг татан буулгаж заримыг нь нэгтгэнэ. Төрийн албан хаагчдын тоог 14.400-гаар цөөлж цаашид есөн хувьд хүргэнэ гэсэн. Үнэндээ бол МАН засагласнаас хойш өссөн төрийн албаны данхар бүтэцтэй болж, ажил хийдэггүй, дарга нарт үйлчилдэг газруудын хэдэн арваар нэмсэн юм. Сонгуульд ажилласан намынхнаа ажилтнуудыг төрийн албанд шахаж оруулаад энгийн албан хаагчдыг халдаг ядарсан жишгээ давтахгүй гэж найдья.