Шинэ Засгийн газрын бүтэц тодорхой боллоо. Шинэ гэхээс илүү байдаг л нэг хуучин сайд нараа авч үлдсэн бүтэц орж ирсэн. Засгийн газрын гишүүдийн 40%-ийг сэлгэсэн гэж байгаа ч иргэдийн хүлээж байсан шиг мэргэжилтэй чадварлаг боловсон хүчнээр хүч сэлбэсэнгүй. Сайд болохоо мэдээгүй, гараанаасаа эхлээд намын шийдвэр дагахаас өөр аргагүй байлаа гэх үгтэй гишүүдийн тоог л нэмсэн байв. Хуучин сайд нараас ГХ-ийн сайд Б.Батцэцэг,Сангийн сайд Б.Жавхлан,ХХААХҮ-ийн сайд Ж.Энхбаяр, ЗГХЭГ-ын дарга Н.Учрал, салбарынх нь осол хүний аминд хүрсэн үед би хариуцлага хүлээн ажлаа өгнө гэж байсан ЭХ-ний сайд Д.Чойжилсүрэн, Г.Дэлгэрсайхан, хэзээ томилж болохгүй гэж олны эсэргүүцлийг дагуулж байсан С.Бямбацогт нар үлдсэн. Үндэсний эвслийн Н.Номтойбаяр Шадар сайд болсон тул “Ажил хийнэ үзүүлээд өгнө гэдэг байснаа одоо л нотол” гэж олон нийт шаардсан. Зүүгдээд үлдсэн, сандал суудлаа сэлгэсэн төдий сайд нар юу хийж чадахыг харах л үлдлээ. Өмнөх шигээ эдийн засгийг унагаж иргэдийн дарамтлах юм бол олон нийтийн дэмжлэгийг авахад улам л хэцүү л болно.