Мөнгөний бодлогын зөвлөл бодлогын хүүг 12 хувьд хэвээр хадгалах, тэтгэврийн зээлд тавих өр, орлогын харьцааг 50 хувь байхаар шийдвэрлэжээ. Тэтгэврийн зээлийг цалин барьцаалсан хэрэглээний зээлтэй адил гэж үзсэн байна.Тэтгэврийн зээлд хязгаар тавиагүй учраас арилжааны банкууд дотооддоо шийдэх боломжтой гэжээ. Ингэснээр ямар хугацаатай хэр хэмжээний тэтгэврийн зээл авах боломжтойг зээл олгох банкууд шийдвэрлэх юм. Иргэд зээл авахад төр оролцох шаардлагагүй гэж УИХ-ын гишүүд хэлсэн. Иргэдийн хувьд банкнаас авах зээлийн хэмжээ буурсан нь амьдралд хүрэлцэхгүй байгааг хэлж байгаа юм. Ахмадуудыг хүүхдүүддээ зээл авч өгдөг гэж буруутгадаг ч хэндээ зээл авч өгөх нь тухайн хүний асуудал гэдгийг олон нийт онцолж байна.