Дэлхийн зулай Эверестийн ууланд Монголын уулчин, ОУХМ А.Баттогтох, Б.Батхишиг нар авиралт хийж байна. Тэд Эверестийн өмнөд хөтөлийн зам (Балба талаас)-аар авирч байгаа юм. Харин ОУХМ Ч.Ариунзул дэлхийн тав дахь ноён оргил Макалу 8485 метр ууланд авирч байгаа бол дэд мастер Ж.Ганбаяр Пакистан улсад орших дэлхийн ес дэх ноён оргил Нанга Парбат 8126 метр ууланд авирахаар бэлтгэлээ базааж байна. Дэлхийн оргил 8000 метрийн өндөртэй 14 оргилын есөн оргилд Монголын 14 уулчин нь амжилттай гарсан. Эверестийн 8848 метр ууланд анх МУГТ,ОУХМ Г.Өсөхбаяр авирсан. Харин эмэгтэй уулчдаас 8611 метр ууланд МУГТ, ОУХМ Б.Гангаамаа авираад байсан юм.