Нийслэлийн иргэдийн эрүүл, аюулгүй орчинд амьдрах нөхцлийг бүрдүүлэх зорилгоор эзэнгүй нохой, муур, мал амьтныг барьж, асрамжлах газар байгуулсан. Эзэнгүй нохой, мууртай холбоотой гомдол иргэдээс олноор ирсэн аж. Тиймээс эзэнгүй нохойнд анхан шатны вакцин хийх, туулга өгөх, үржлийг хязгаарлах ажлууд хийгдэх юм. Урьдчилсан судалгаагаар Улаанбаатар хотын зуслангийн бүс болон Богдхан ууланд 1000 орчим эзэнгүй мал, нохой, муур байна гэсэн тооцоо гарсан. Дөрөвдүгээр сарын 28-ны өдөр Богдхан ууланд гал түймэр гарсантай холбогдуулан золбин нохой, муур барих ажил түр хойшилсон байна.