Нийслэлийн МАН-ын даргаар сонгогдоож удаагүй байгаа, Уул уурхай, хүнд үйлдвэрийн сайд Д.Сумьяабазар тэргүүтэй албаныхан ОХУ-ын Москва хот болон Таманий боомтод ажлын айлчлал хийж байна. ОХУ- Монгол Улс нефть хайгуулын хамтарсан судалгаа хийх, боловсруулах үйлдвэр барих, Монголын нутгаар хийн хоолой дамжуулах боломжийг судлах, Халх голын ялалтын 80 жилийн ойг тэмдэглэн өнгөрүүлэх зэрэг асуудлаар санал солилцсон юм. Мөн Хөшигтийн хөндийн шинэ нисэх онгоцны буудлыг шатахуунаар хангах ажлыг Роснефть компани хариуцахаар урьдчилан тохиролцлоо. Таван- Толгой жилд 25 сая тонн нүүрс Таманий боомтоор гаргахаар төлөвлөж байгаа. Энэ ажлын хүрээнд Таманий боомтын бүтээн байгуулалттай танилцах юм.