Монгол улсын Ерөнхийлөгчийн ээлжит сонгуулийн сураг гарч намууд нэр дэвшигчээ тодруулж байна гэх бор шувуу нисэж эхэлсэн. Үнэндээ бол МАН-аас л нэр дэвших магадлалтай хүмүүсийн нэрс л эхлэн цацагдаж эхэлсэн юм. Ерөнхийлөгчийн сонгуульд нэр дэвших магадлалтай хамгийн эхний нэр дэвшигчдээр УИХ-ын дарга асан Г.Занданшатар, Ж.Энхбаяр нарын нэрс яригдаж байна. Харин бусад намуудын хувьд нэр дэвшигчийн нэрс одоогоор яригдаагүй байгаа юм. Тиймээс МАН-ын улстөрчдийн рейтингийг тандах урьдчилсан судалгаа явж байна гэдэг мэдээлэл үнэнд илүү дөхөхөөр байна.