Сербэд болсон сурагчдын шатрын дэлхийн аварга шалгаруулах тэмцээнд оролцсон Монголын шатарчид хоёр алт, нэг мөнгөн медаль хүртлээ. Охидын 17 хүртэлх насны ангилалд 13 настай шатарчин ФИДЕ-гийн дэд мастер Б.Буянхишиг, 11 насны ангилалд ФИДЕ-гийн дэд мастер Ч.Нандинжигүүр нар алт, есөн насны ангилалд Ш.Уранзаяа мөнгөн медалиар энгэрээ мялаажээ.
Зургаан насны ангиллаар зохион байгуулсан энэхүү тэмцээнд 44 орны 470 гаруй сурагч шатарчин оюун ухаан, ур чадвараа сорин өрсөлджээ.