Цэргийн баярын шөнө Ноорог медиагийн залуусыг ажлын бус цагаар тоглоомын газраас баривчлан мэдүүлэг авсан хэрэг нэг өдрийн өдрийн дотор олон байгууллагыг сандаргав. ХЭҮК дээрх хэргийг тодруулсан албан бичиг ЦЕГ-руу явуулсан бол УИХ-ын Хууль зүйн байнгын хороо холбогдох газруудаас тодруулга авна гэв. Харин АН-аас сонгогдсон УИХ-ын гишүүд мэдээлэл хийж, МСНЭ, хэвлэлийн эрх чөлөөнд халдахгүй байх мэдэгдэл гаргаж, өмгөөлөгч нь гүйцэтгэх ажиллагааг хууль зөрчсөн гэдгийг тодотгосон юм. Харин Кибер гэмт хэрэгтэй тэмцэх хэлтсээс прокурорын хяналтан дор мэдүүлэг авах болсон ч 8 залуугийн 7 нь өмгөөлөгч авна гэснээр сулласан гэдгийг хэлсэн. Ажлын цагаар, мэдэгдэл өгөөд гүйцэтгэх ажиллагаа явуулсан бол энэ хэрэгт ач холбогдол өгөхгүй байлаа. Залуус бид хууль зөрчөөгүй, ямар ч тролл баг ажиллуулаагүй, хувь хүний нэр хүндэд халдаж амиа хорлоход хүргээгүй гэдгийг онцолсон. Цахим аюулгүй байдал хэцүүдсэн энэ цаг үед дата өгөгдөл, хиймэл оюун ухаанд суурилан тролл багуудыг илрүүлэх боломжтой. Хэрэв хувь хүний нэр хүндэд халдаж, нийгмийн эвдрэлцүүлэх ажиллагаа явуулсан бол хэн ч байсан хариуцлага тооцох нь зөв ч, цагдаагийнхан прокурорын зөвшөөрөлтэй процедурын алдаа гаргаагүй бол энэ асуудал өндрөө авахгүй байх бүрэн боломжтой бай