Монголын уран хатгамалчдын III улсын уралдааныг энэ сарын 22-23-нд Монголын Уран зургийн галерейд зохион байгуулагдана. Уралдаанд 120 гаруй хүн 300 гаруй уран бүтээлээрээ оролцохоор бүртгүүлсэн. Уралдаанд зүү ороосон, задгай буюу хөрөг хатгамал, мартагдаж буй соёлын өвийг сэргээж урласан хатгамал, эсгий ширмэл, зоос ширээний сүлжмэл, зээгт наамал гэсэн төрлөөр оролцох юм. Түрүүлсэн уран бүтээлчдэд Монгол Улсын уран хатгамалч цол олгоно.