УИХ-ын гишүүн байсан гэдгээрээ давуу эрх эдэлж 12 гишүүн төрөөс тус бүр 48 сая төгрөгийн тэтгэмж авчээ. Энэхүү тэтгэмжийг УИХ-ын гишүүнээр дахин сонгогдоогүй гишүүдэд 13 жил олгосон. Цаашид үргэлжлүүлэн олгохдоо хоёр удаа сонгогдоогүй бол тэтгэмжийг олгохгүй гэсэн заалт хуульд оруулах гэсэн нь УИХ-ын чуулганы хуралдаан дээр маргаан үүсгэсэн. Тиймээс УИХ-ын зарим гишүүд нэгдэн гишүүдэд давуу эдлүүлдэг заалтуудыг хасуулах хуулийн төслийг өргөн барихаар болжээ.