Улаанбаатар хотын 176 уулзвар, гарц, зам дээр 2600 ширхэг камер суурилуулаад байна. Баянхошуу, Сонсголон, Налайх, Дүнжингарав, Богд уулын замд нэмэлт камерууд суурилуулсан. Ухаалаг удирдлагын системийг нэвтрүүлж, бүх камеруудыг нэгтгэсэн. Камерууд гэмт хэрэг, зөрчил илрүүлэхээс гадна тээврийн хэрэгсэл, явган зорчигчийн тооллого, судалгаа хийх, хөдөлгөөний эрчмийн хурдыг тодорхойлох зэргээр ашиглагдана.