Улстөрчид унтаа байна. Зүүднээсээ сэрээд хэдэн арван жил ярьсан цахилгаан станцаа ашиглалтад оруулахгүй бол Монгол орны агаар, хөрс, усны бохирдол гамшгийн хэмжээнд хүрч иргэд нь утаа, өвчиндөө баригдан хорвоог орхисоор байх нь. Судалгааны байгууллагууд агаарын бохирдлоос шалтгаалж 300 гаруй хүн нас барсан. Үүний 80 гаруй хувь нь хүүхдүүд байгааг онцолжээ. Өнгөрсөн 10 жилийн хугацаанд 1,5 их наяд төгрөгийг утааг бууруулахад зарцуулж, 3,5 их наяд төгрөгөөр шахмал түлш үйлдвэрлэсэн.Жил ирэх тусам шахмал түлшний чанар муудсаар байгааг иргэд хэлсээр байхад айлын хаалга тогшиж утаанаас сэргийлэх төхөөрөмж шалгахаас хэтэрсэнгүй. Олон нийт хэвлэл мэдээллийн байгууллагууд шахсаар утааг бууруулахад зарцуулсан хөрөнгийг шалгаж, холбогдох хүмүүст нь хариуцлага тооцохоор болсон байна. Шалгаж тогтоож, хариуцлага ярихаас илүү чанар стандартад нь анхаарах, эсвэл барьцуулагч бодисыг солихгүй бол хэрэглэж байгаа иргэдээ хордуулсаар л байх нь. Шахмал түлшний чанар сайн байгаа гэж хэлж буй хүмүүсийг Монгол гэрт жил амьдруулаад шахмал түлшийг нь түлүүлээд үзэх хэрэгтэй. Угаартана гэж айгаад унтаж чадахгүй гэдэгт харин ч нэг итгэж болно.