Утааг бууруулахад 2008-2016 онд улсын төсвийн урсгал зардлаас 97.7 тэрбум, улсын төсвийн хөрөнгө оруулалтаас 54.9 тэрбум, нийслэлийн төсвийн хөрөнгө оруулалтаас 9.4 тэрбум, Монгол Улсыг хөгжүүлэх сангаас 2.1 тэрбум буюу нийт 164.1 тэрбум төгрөг зарцуулжээ. Мөн олон улсын байгууллагуудаас 104.7 сая ам.долларын зээл, 48.6 сая ам.долларын буцалтгүй тусламж олгосныг аудитын шалгалтаар тогтоосон. Харин 2017-2020 онд нийт 456.1 тэрбум төгрөгийг зарцуулсан байна. Үүний 287.2 тэрбум төгрөгийг улс, нийслэлийн төсвөөс гаргасан байна. Мөн онд утааны эсрэг төсөл хэрэгжүүлэхээр Европын хөрөнгө оруулалтын банк, Дэлхийн банк, БНХАУ-аас 168.9 тэрбум төгрөгийн зээл авчээ. 2008-2023 онд утааг бууруулахад улсын төсвөөс гадна нийт 500 орчим тэрбум төгрөгийг зарцуулсан байна. Нийт утааг бууруулахад зарцуулсан мөнгө шахмал түлш үйлдвэрлэсэн зардалтайгаа нийлээд 5 их наяд төгрөг болжээ. Гэтэл нэмээд 20 мянган өрхөд зуух тараана гэдэг бол утааг бууруулах үлгэрийн нэг гэдэг нь тодорхой болоод байна