Хөнгөн галт тэрэг, LRT, трамбайны урьдчилсан ТЭЗҮ-г боловсруулах ажлыг хийж эхэлжээ. Ирэх оны нэгдүгээр улиралд багтаан босоо тэнхлэгийн Зунжин худалдааны төвөөс Сүхбаатарын талбай хүртэлх замыг барихаар  төлөвлөсөн. Гурван жилийн хугацаанд баригдах замуудын уулзах цэгүүдийг төв талбай дээр хийхээр төлөвлөжээ.

Мөн ирэх дөрвөн жилд BRT буюу тусгай замын автобусны хоёр шугамыг тавина.Эхнйи шугам Буянт-Ухаа орчмоос Яармагийн замаар яваад гүүрээр гараад 120 мянгатын тэмээтэй хөшөөнөөс буцаж эргэхээр төлөвлөлт хийгдсэн. Дараа нь Энхтайваны гүүрийг өргөтгөж Тэмээтэй хөшөөнөөс талбай хүртэлх замыг бүхэлд нь зургаа эгнээ болгох зураг төслийн тендерийг зарлахаар төлөвлөж байна гэжээ.