Монгол Улсад 192.2 мянган тонн ураны нөөц бүртгэгдсэн. Энэ нь дэлхийн ураны нөөцийн 3 хувийг бүрдүүлж, нөөцийн хэмжээгээр дэлхийд аравдугаарт орж байгаа юм. Цөмийн энергийн хуулийг баталж ураны ордыг эдийн засгийн эргэлтэд оруулж дэлхиaн бусад орны адил эрчим хүч гарган авах талаар УИХ-ын чуулганы хуралдаанаар хэлэлцэж эхэлсэн байна. Энэхүү төслийг хөгжлийн бүтээн байгуулалтын 14 мега төслийн нэг болгон хэрэгжүүлэхээр тооцсон. Манай улс 1940 оноос цацраг идэвхт ашигт малтмалын хайгуул, судалгааны ажлыг эхлүүлсэн.  Сүүлийн жилүүдэд ураны ашиглалтаас үүдсэн төл малын хорогдол ихэссэн гэх мэдээлэл цацагдсаар байгаа. Тиймээс ч аюулгүй байдлын чиглэлээр хяналтын гурван шалгалт хийсэн ч батлагдаагүй байна. Ураныг 120 м гүнээс олборлодог бөгөөд чулуулгын олон давхар бүтцийн доор байршдаг. Уран олборлох тохиолдолд нутгийн ард иргэдэд үнэн зөв мэдээллийг өгөх аж.