Дэлхийн хамгийн нэр хүндтэй хоолны таван тэмцээний мэдээллийг цувралаар танилцуулж байна. Хоол үйлдвэрлэл үйлчилгээний салбарын хамгийн нэр хүндтэй энэхүү тэмцээнд орох гэсэн олон орны багууд тэмцээн болохыг тэсэн ядан хүлээдэг юм.

Жил бүр болдог нэр хүндтэй хоолны тэмцээнүүд мэргэжлийн тогооч нарт хоолны ур чадвараа батлах боломжийг олгодог.

Bocuse d’Or

Дэлхийд хүлээн зөвшөөрөгдсөн энэхүү тэмцээн хоолны тэмцээнүүдийн нэгдүгээрт бичигддэг. Bocuse d’Or тэмцээнийг 1987 онд Францын шинийг санаачлагч тогооч Пол Бокузе хоолны урлагийн талаарх олон нийтийн мэдлэгийг нэмэгдүүлэх зорилгоор анх зохион байгуулж эхэлсэн.

Энэхүү тэмцээн нь дэлхийн хэмжээний мэргэжлийн тогооч нар, авьяастнууд цуглардаг, хоолны олон төрлийн сорилт бүхий тэмцээнтэй, нарийн цаг заадаг , мэргэжилтнүүд шүүдэг гэдгээрээ алдартай. Одоогийн байдлаар 24 улсыг сонгон шалгаруулаад байгаа юм. Францын Лион хотод Гранд финалд шалгарсан тогооч нар олон шат дамжсан ширүүн өрсөлдөөнд ордог.

Багуудыг дэлхийн өнцөг булан бүрээс сонгон шалгаруулж сонгодог. Баг бүр нь тогооч, комиссар тогооч (22 ба түүнээс доош настай) гэсэн хоёр хүнээс бүрдэнэ. Сонгогдсон багууд дараа нь хоёр өдрийн арга хэмжээнд оролцож цэнгэлдэх хүрээлэнд хоол хийх ур чадвараа сорьдог байна.

Тэмцээний. шүүгчид гал тогооны эрүүл ахуй, зохион байгуулалт, хог хаягдлыг бууруулсан байдал ,хоол хийх ур чадвар, үйл ажиллагааны чанар зохион байгуулалтыг онцлон үнэлгээ тавьдаг. Амталгааны шүүгчид хоолны танилцуулга, амт, гоёл чимэглэлийн зохицолд анхаарлаа хандуулдаг. Нэгдүгээр байрт орсон багт 20,000, хоёрдугаар байрт 15,000, гуравдугаар байрт 10,000 еврогийн шагнал өгдөг. Финалд шалгарагсад хоол үйлдвэрлэл үйлчилгээний салбартаа бахархал, хүндэтгэлийг хүлээдэг. Энэхүү нэр хүндтэй тэмцээний ялагчаар анхны америк тогооч Филип Тессиер тодорсон. Тэрээр хэдэн жилийн дараа тэмцээнд эргэн ирж, Америкийн анхны багийг Алтан медальд хүртэхэд тусалсан. Түүний Bocuse D’Or-ын дээд амжилтыг эвдсэн туршлага нь түүний одоогийн хоол үйлдвэрлэлийн карьерын үндэс суурийг тавьсан гэдэг.