УНТЭ-ийн Эс, эд эрхтэн шилжүүлэн суулгах төвийг ашиглалтад оруулснаар эрхтэн шилжүүлэн суулгах эмчилгээг гадаадад хийлгэснээс 10-50 дахин бага зардлаар эх орондоо эмчлүүлэх нөхцөл бүрдэнэ. Өнгөрсөн 13 жилийн хугацаанд элэг, бөөр, ясны чөмөг, үе шилжүүлэн суулгах мэс заслыг хийж ирсэн. Цаашид элэг бөөр шилжүүлэн суулгах мэс засалд орохоор 600 гаруй хүн хүлээгдэж байгаа юм. Жилд 160-180 үйлчлүүлэгчийг эмчилгээнд хамруулж Монгол Улсад эмчлэх боломжгүй өвчлөлийг 10 хувиар бууруулах ач холбогдолтой юм.