Умайн хүзүүний хэвийн эсүүдэд өөрчлөлт орж хавдар үүсэхийг умайн хүзүүний хавдар гэнэ. Хүний Папиллома Вирус буюу HPV нь умайн хүзүүний хорт хавдрын голлох шалтгаан болдог. Манай улсын эмэгтэйчүүдэд зонхилон тохиолдож буй хорт хавдрын гуравдугаарт бичигдэж байна. Таван жилийн үзүүлэлтээр 100 мянган эмэгтэйн 15.4 нь умайн хүзүүний хорт хавдраар өвчилж, 6.5 нь нас барсан байна. Тиймээс умайн хүзүүний хавдрын эсрэг вакцинд хамрагдахыг эрүүл мэндийн байгууллагаас уриалжээ.   Дэлхийн 120 улс умайн хүзүүний хавдарын вакцинд эмэгтэйчүүдийг хамруулдаг байна.