Нүүдэлчин” дэлхийн соёлын фестиваль энэ сарын 16-18-ны өдрүүдэд Налайх дүүргийн нутаг дэвсгэрт орших Тайж хайрханы бэлд болно. Наадмын хөтөлбөрийг танилцуулж байна.

• Наадмыг уртын дуу, морин хуурын аялгуугаар нээнэ.
• Хүчит 16 бөхийн барилдааны 1-ийн даваа эхэлнэ.
• Нутгийн авъяастнууд монгол бүжиг, ардын дуу морин хуурын аялгуугаар нааадамчдын сонорыг мялаана.
• Монгол шагайн харваа үзүүлбэр. Энэ үеэр тэмцээн зохиогдох ба зочдоос оролцуулан үзэгчдийг хөгжөөж, уухайн түрлэгээр хүч нэмнэ.
• Наадмын талбайд шинэхэн хуушуур, бэлэг дурсгалын зүйлсийн худалдаа явагдана.
• Бөхийн барилдааны хоёрын даваа эхэлнэ.
• Сур харвааны талбайд сурчдын үзүүлэн  харваа болно. Наадамчид сур харвах үйл ажиллагаанд оролцож, цэц мэргэнээ сорино.
• Монгол айлын нүүдлийн цуваа наадмын талбайд зүүн урдаас чиглэн ирнэ.
• Бөхийн барилдааны гурвын даваа эхэлнэ.
• Хурдан морьны унаач хүүхдүүд наадмын талбайг тойрон гийнгоо дуулж наадамчин олныг баясгана.
• Хурдан морьд гарааны зурхай руу хөдөлж, наадамчид морь барианы газарт очно.
• Хос морьтой сайхан хос шалгаруулна.
• Цагаан өвгөн наадамчдыг хөгжөөж мэндчилнэ.
• Түрүүлж айрагдсан морьд наадмын талбайн төв асрын өмнө цолоо дуудуулна.
• Айрагдсан морьд, унаач хүүхдүүдэд бай шагналыг наадамчин жуулчдаар гардуулуулна.
• Айраг түрүү авсан морьд наадмын талбайг гурав тойрч хүндэтгэл үзүүлнэ.
• Үзүүр түрүүний барилдаан эхэлнэ. Наадамчид бооцоо тавьж наадмыг улам сонирхолтой өрнүүлнэ.
• Түрүүлж үзүүрлэсэн бөхийг ам цагаан хонь, бусад зүйлээр шагнана.

Наадам 14:00 – 17:00 цагийн хооронд болно.Тасалбарын үнэ: 36 ам доллар.байх аж.