Монгол дахь НҮБ-ын Хөгжлийн хөтөлбөрөөс “Гэр хороололд сэргээгдэх эрчим хүчний шилжилтийг дэмжих замаар амьжиргааг нэмэгдүүлэх” төслийг хэрэгжүүлнэ. Төсөл нь хоёр үе шаттайгаар хэрэгжинэ. Төслийн хүрээнд Улаанбаатар хотын өрх толгойлсон 50 ээжид дулааны нөөцлүүртэй цахилгаан халаагуур хүлээлгэн өгч, нарны зайн хавтан худалдан авч суурилуулж өгнө. Үр дүнд нь төсөлд хамрагдсан өрхүүд агаарын бохирдолгүй, эрүүл орчинд амьдрах юм.