Сонгуулийн ерөнхий хорооноос УИХ-ын 2024 оны сонгуулийн дүнг танилцуулсан. .Нийт 1.4 сая сонгогч саналаа өгсөн. Гадаадад байгаа 9,768 хүний саналыг тоолсон, Сонгуулийн ирц 60 % -тай байна. Саналын хуудасны гар тооллогын дүн системээр дамжуулсан дүнгээс зөрөөгүйг мэдээлсэн юм .

1. МАН 35%
2. АН 30.1%
3. ХҮН нам 10.4%
4. Үндэсний Эвсэл 5.2%
5. Иргэний Зориг Ногоон Нам 5%-ийн дэмжлэг авсан байна.

Улс төрийн намын хуулиар нийт сонгогчийн нэгээс дээш хувийн дэмжлэг авсан бол улс төрийн намын санхүүжилтийг авах эрхтэй болсон. Нийт сонгогчийн нэгээс дээш хувийн санал авсан 9 нам байна. Үүнд дээрх таван намаас гадна:

1. Шинэ Нэгдсэн Эвсэл 4.8%
2. Үнэн ба Зөв Нам 2.8%
3. Иргэний Хөдөлгөөний Нам 1.4%
4. Бүгд Найрамдах Нам 1.3%-ийн дэмжлэг авсан.

Ингэснээр УИХ-д МАН 68, АН 42, Хүн нам 8, Иргэний зориг ногоон нам 4, Үндэсний эвсэл 4 гишүүн УИХ-д сонгогдлоо.