“Даншиг наадам-Хүрээ цам” наадмыг наймдугаар сарын 3-4-нд Хүй долоон худагт зохион байгуулна. Цам нь шашны нууц тарнийн чухал зан үйлд тооцогддог. Очирваань бурхан болон цагаан өвгөн, мөн нийслэл хотыг хүрээлэх дөрвөн дагшин уулын эздийн дүрд хувирсан 120 гаруй цамчин оролцоно. Даншиг наадам нь анх 1639 онд Өндөр гэгээн Занабазарыг Монгол түмний шашны тэргүүн, анхдугаар Богд Жавзандамба хутагтын ширээнд өргөмжлөн залах үеэс эхлэлтэй юм.