“Оюутан цагдаа” хөтөлбөрийн бүртгэл зургаадугаар сарын 14-нийг дуустал үргэлжилж, 150 оюутныг шалгаруулж авна. Сүхбаатарын талбай, Зайсан толгой, Улсын Их Дэлгүүр, Гандантэгчэнлин хийд зэрэг жуулчид олноороо цуглардаг байршилд ажиллуулна. Хөтөлбөрт хамрагдсан оюутнуудад гэмт хэрэг зөрчлөөс урьдчилан сэргийлэх , Улаанбаатар хотын түүх соёл, хотын танилцуулга, түүхэн дурсгалт газрууд, гол үзмэрүүд, газрын зураг дээр ажиллах, гудамжны нэршил, үзвэр үйлчилгээний газруудыг заах, эмнэлгийн анхан шатны тусламжийг үзүүлэх арга зүй, англи хэлний зөв тайлбарыг хэрхэн хийх талаар сургалтанд хамруулсан байна.