Үндэсний цэцэрлэгт хүрээлэнд “Хүүхэд бүр ялагч-Хүүхэд бүр хамгаалагч” хүүхдийн марафоныг 6 дугаар сарын 1-ний өдөр зохион байгуулна. Тус марафонд оролцсон хүүхдүүд үе тэнгийн дээрэлхэлтийг таслан зогсоох уриалгад нэгдэх бөгөөд хүүхэд бүр барианд орж буй түүхэн мөчөө мэргэжлийн гэрэл зурагчны дуранд мөнхөлж, гэрэл зургаа авна. Мөн хөгжилтэй алиалагчийн урласан бүтээлийг бэлгэнд авах боломжтой.