УИХ-ын сонгуульд улс төрийн намуудаас нэр дэвшигчид тодорсноос хойш тасралтгүй маргаан үргэлжилж байна. УИХ-ын гишүүдээс гэхэд 54 нь энэ сонгуульд өрсөлдөхөөр нэр дэвшсэн. МАН авлига хээл хахуулийн хэрэгт орсон хүмүүсээ нэр дэвшүүлэхгүй гэж байсан ч удирдлагууд нь нүдээ аниад муу нэртнүүдээ зүтгүүлэн нэр дэвшигчдийн жагсаалтад оруулсан. Сейфний хэрэгтэн нэгэн хүртэл орсон явж байна гэсэн гомдол гараад буй. Харин АН-ынхан нэр дэвшигчдийн 38 нь хууль бус гэж бухимдаж эхэлсэн.Тиймээс ч сонгуулийн ерөнхий хороонд хандан гомдол гаргана. Дэнчингийн мөнгө авахгүй гэсэн хуулийн заалттай. Гэтэл мөнгө авсан. Тиймээс нэрээ татна гэдгээ цөөнгүй гишүүд нь зарлав. АН-ын удирдлагууд гомдлыг үндэслэлгүй учир хүлээн авахгүй гэжээ. Дуучин, жүжигчин гээд олон хүмүүс нэр дэвшсэн энэ сонгуулийг иргэд солонгорсон сонгуулийн холион бантан гэж шоглож байна. Намууд нь ялгарахгүй холилдсон нэр дэвшигчидтэй, намтар түүхээр маруухан нэгнийг нэр дэвшүүлсэн намууд ч байна хэмээн шүүмжилж байгаа юм. Сонгуулийн сурталчилгаа эхлэхээс өмнө нанчилдаантай намууд маргаанаа эцэслэнэ гэж найдъя. Эс тэгвэл нэр дэвшигч, намуудад халуун биш хүйтэн жинг иргэд тавьж мэднэ.